Ang Mamatay Ng Dahil Sa'yo

Gusto raw palitan ni Tito Sen ang huling linya ng ating pambansang awit, mula sa "Ang mamatay ng dahil sa'yo", ay gagawing "Ang ipaglaban ang kalayaan mo."  Masyado raw defeatist  ang kasalukuyang linya.

Sa huli'y hindi na rin n'ya ipinagpatuloy ang mungkahing ito.  Marami raw mahinang umintindi (bobo?), kaya, ayawan na.

"Ayaw n'yo?  Huwag!"

Pero, bago muna nating i-dismiss ang panukalang ito, maganda rin naman sigurong suriin natin ito.  Malay mo, baka nga may punto naman si Tito Sen.

Sino na nga ba ang handang magpakamatay para sa bayan?

Ayon kay Du30 Finger, hindi ang mga sundalo.  Hindi raw papayag ang mga ito na pumunta sa Spratley para makipagbanatan sa mga Tsino dahil iisipin ng mga sundalong suicide mission and kanilang gagawin.  Magkakaroon lang daw ng coup d'etat kung uutusan n'ya ang Hukbong Sandatahan na magtapang-tapangan sa area na 'yun.

Eh, kung walang tiwala ang Commander-in-Chief sa kanyang mga sundalo, sino pa ang gustong "mamatay ng dahil sa 'yo"?

Paano naman 'yung sinabi ni Ninoy na "The Filipino is worth dying for"?  Ayan nga't gustong palitan ang mga mukha nila ni Cory sa limang-daang piso, at si Lapu-lapu ang ilalagay.  'Di kaya nagsisisi si Ninoy?

'Yung mga politiko nais daw maglingkod sa bayan? Redi ba sila?

Eh, 'yung mga opisyales nga ng Tacloban, nagsipagtakbuhan sa Maynila noong dumaan ang Yolanda. 

Ang mga kabataan, ang "Pag-asa ng Bukas", ayon kay Rizal?  Baka mas gugustuhin pa nilang magpakamatay para sa mga gadget nila kesa sa bayan.

Kaya, nakakalungkot.  Baka nga wala nang gustong mamatay para sa bayan.

Sabagay, kahit siguro noon. Sino bang bayani ang talagang nag-alay ng kanilang buhay para sa bayan?  Parang iilan lang.

Pero, sa palagay ko, marami rin.

Sila ang mga ordinaryong taong lumaban sa mga mananakop, mula sa mga Kastila hanggang sa mga Hapon.

At meron ding mga taong hanggang ngayo'y lumalaban para sa ating mga karapatang pantao.

Kahit walang kalyeng naka-pangalan sa kanila.

Kaya hangga't may isang Pilipinong handang ibuwis ang kanyang buhay para sa bayan, relevant pa ring kantahin ang linyang "Ang mamatay ng dahil sa 'yo."

Five Signs Na Malapit Nang Ma-dedo Si Du30

Nagsulputan ang mga bali-balitang may sakit daw and Panggulo, este, Pangulo, at malapit na itong mamatay.  Kesyo, kaya raw s'ya nagpunta sa Israel ay upang magpagamot.  Meron namang mga litratong na-post kung saan nangingitim ang kanyang mukha.  O kaya'y hindi na s'ya napagkikita sa mga public occasions.

Hindi ako sang-ayon sa mga haka-hakang ito, lalo na 'yung sinasabing kaya s'ya nangingitim ay dahil wala pa s'ya sa impiyerno'y sinusunog na ang kanyang kaluluwa. 

Pero may mga palatandaan naman kung talagang malapit na s'yang sumakabilang-buhay.  Eto ang aking top 5 signs:

5.  Pumuputi s'ya; dati na s'yang maitim.

4.  Sa wakas ay napagtanto na rin n'yang mayroon pala s'yang pusong babae. (Ahahayyy!)

3.  Nanalo si Bongbong sa protesta n'ya.

2.  Nangumpisal si Presidente kay Bishop Villegas.

At ang number 1 senyales na malapit na s'yang ma-dedo....

1.  Nangako s'yang in 3 to 6 months buhay pa siya.  ("Maniwala kayo sa akin....")

Batman (R.I.P., Mr. Adam West)

Tanong:  Ano ang sinasabi ni Robin 'pag nakakakita s'ya ng usok?

Sagot:  Holy smoke!

Tanong:  Eh, 'pag nakakakita s'ya ng baka?

Sagot:  Holy cow!

Tanong:  Eh, kung makita n'ya si Joker?

Sagot:  Holy ka!

Kapapanood lang naming magpamilya ang Wonder Woman.  Pagkalabas namin, tanungan kung ano ang mas gusto: Marvel o DC?

Ang sagot ko, DC.  Dahil kay Batman.  At dahil kay Adam West.

Although, noong bata ako, hindi ko maintindihan ang logic ng mga villains.  Kung gusto talagang nilang mapatay si Batman, bakit iniiwanan na lang basta nila ang Caped Crusader habang nasa bingit  ito ng kamatayan?  Bakit hindi sila mag-iwan man lang ng isang henchman?  Kaya tuloy, sa tulong ng kanyang ever reliable utility belt, nakakatakas si Batman.

Ngayon ko lang naintindihan, ngayong matanda na ako, na comedy pala ang palabas na 'yun.  Pero, noong bata ako, 'kala ko seryoso s'ya.

Meron ngang isang episode na sinabi ni Batman. "No one is above the law. And no one is below it."

Profound, 'di ba?

At super sexy pa nina Catwoman at Batgirl.

Kaya, sino ang mag-aakalang comedy ito?

Maganda rin ang portrayal ni Adam West bilang Batman.  Hindi s'ya cynical.  Para sa kanya, may kabutihang natatago sa lahat ng tao.

Hindi rin s'ya vengeful.  Kinakalaban n'ya ang mga kriminal upang panatilihing safe ang Gotham City.  Ni hindi nga binanggit na gusto n'yang paghigantihan ang pumatay sa kanyang mga magulang.

from ign.com

Kamakailan lang ay namatay na si Adam West. Wala man s'yang ibang pinasikat na palabas, para sa akin ang kanyang Batman ang aking pinaka-paborito.  Boring man, gusto ko pa rin s'ya ang lumalaban para sa akin.

At least, alam kong hindi s'ya sasama sa Operation Tokhang.